Urdu Zaban par sher اُردو زبان پر شعر




(۱) نہیں کھیل اے داغؔ یاروں سے کہہ دو
     کہ آتی ہے اردو زباں آتے آتے

(۲) سلیقے سے ہواؤں میں جو خوشبو گھول سکتے ہیں
      ابھی کچھ لوگ باقی ہیں جو اردو بول سکتے ہیں

(۳) وہ عطر دان سا لہجہ مرے بزرگوں کا
     رچی بسی ہوئی اردو زبان کی خوشبو

(۴) وہ کرے بات تو ہر لفظ سے خوشبو آئے
      ایسی بولی وہی بولے جسے اردو آئے

(۵) اردو جسے کہتے ہیں تہذیب کا چشمہ ہے
     وہ شخص مہذب ہے جس کو یہ زباں آئی

(۶) اردو کے چند لفظ ہیں جب سے زبان پر
      تہذیب مہرباں ہے مرے خاندان پر

⁦✍️⁩ اشوک ساحل

(۷) میری گھٹی میں پڑی تھی ہو کے حل اردو زباں
      جو بھی میں کہتا گیا حسن بیاں بنتا گیا

⁦✍️⁩ فراق گورکھپوری

(۸) زباں کھولے تو جادو بولتا ہے
      میرا محبوب اردو بولتا ہے

⁦✍️⁩ حسنین عاقب

(۹) شستہ زباں شگفتہ بیاں ہونٹھ گلفشاں
     ساری ہیں تجھ میں خوبیاں اردو زبان کی


⁦✍️⁩ فرحت احساس

(۱۰) سیکڑوں اور بھی دنیا میں زبانیں ہیں مگر
      جس پہ مرتی ہے فصاحت وہ زباں ہے اردو


⁦✍️⁩ نامعلوم

(۱۱) جو دل باندھے وہ جادو جانتا ہے
        مرا محبوب اردو جانتا ہے


⁦✍️⁩ انیس دہلوی

(۱۲) ملاؔ بنا دیا ہے اسے بھی محاذ جنگ
      اک صلح کا پیام تھی اردو زباں کبھی


⁦✍️⁩ آنند نرائن ملا

(۱۳) اُردو ہے جس کا نام ہمی جانتے ہیں داغ
     سارے جہاں میں دھوم ہماری زباں کی ہے

⁦✍️⁩ داغ دہلوی

(۱۴) وہ اردو کا مسافر ہے یہی پہچان ہے اس کی
      جدھر سے بھی گزرتا ہے سلیقہ چھوڑ جاتا ہے

⁦✍️⁩ نا معلوم

(۱۵) سگی بہنوں کا جو رشتہ ہے اردو اور ہندی میں
       کہیں دنیا کی دو زندہ زبانوں میں نہیں ملتا

⁦✍️⁩ منوّر رانا

(۱۶) شہد و شکر سے شیریں اردو زباں ہماری
      ہوتی ہے جس کے بولے میٹھی زباں ہماری

⁦✍️⁩ الطاف حسین حالی

(۱۷) اس طرح منسلک ہوا اردو زبان سے
      ملتا ہوں اب سبھی سے بڑی عاجزی کے ساتھ

⁦✍️⁩ بشیر مہتاب

(۱۸) ڈال دے جان معانی میں وہ اردو یہ ہے
⁦       کروٹیں لینے لگے طبع وہ پہلو یہ ہے

⁦✍️⁩ اکبر الہٰ آبادی

(۱۹) اپنی اردو تو محبت کی زباں تھی پیارے
       اب سیاست نے اسے جوڑ دیا مذہب سے

⁦✍️⁩ صدا انبالوی

(۲۰) اردو سے ہو کیوں بیزار انگلش سے کیوں اتنا پیار
       چھوڑو بھی یہ رٹا یار ٹوئنکل ٹوئنکل لٹل اسٹار

⁦✍️⁩ انور مسعود

(۲۱) ہندی میں اور اردو میں فرق ہے تو اتنا
     وہ خواب دیکھتے ہیں ہم دیکھتے ہیں سپنا

⁦✍️⁩ نا معلوم

(۲۲) اردو جسے کہتے ہیں تہذیب کا چشمہ ہے
      وہ شخص مہذب ہے جس کو یہ زباں آئی

⁦✍️⁩ روش صدیقی

Comments

Post a Comment

Popular posts from this blog

Essay on teacher اُستاد پر مضمون

Image
 (۱) استاد کی اہمیت           کسی بھی انسان کی کامیابی کے پیچھے اس کے استاد کی تربیت کارفرما ہوتی ہے۔ اساتذہ انسان کی زندگی میں اہم کردار ادا کرتے ہیں۔ اس کی زندگی استاد کے بغیر ایسی ہی ہے جیسے ماں کے بغیر گھر۔ ایک نوخیز بچے سے لے کر عمر کی آخری سانس تک انسان کا ہر عمل اس کی حاصل کردہ تعلیم و تربیت کا عکس ہوتی ہے جسے وہ اپنے اساتذہ سے حاصل کرتا ہے۔ استاد، وہ پھول ہے جس کی خوش بو سے بچے کی زندگی مہک اٹھتی ہے، وہ چراغ ہے جس کی روشنی میں بچہ زندگی کی تاریکیوں میں حوصلے کی راہ پاتا ہے، استاد وہ سیڑھی ہے جس کے ذریعے بچہ کامیابی کی بلندی پر چڑھتا ہے، گویا استاد کی اہمیت سے انکار کرنا ناممکن ہے۔           خوش قسمت ہیں وہ لوگ جنھیں زندگی میں بہترین اساتذہ میسر آتے ہیں۔ والدین بچے کو زندگی دیتے ہیں مگر اساتذہ بچے کو زندگی جینے کا سلیقہ سکھاتے ہیں، ایک نوخیز بچے سے لے کر کامیاب انسان تک کا سفر استاد کی کارکردگیوں کی مرہونِ منت ہوتا ہے۔       اچھے اساتذہ معاشرے کی تشکیل کرتے ہیں۔ جن سے بہترین قومیں وجود میں آتی ہیں۔ تاریخ کے اوراق پلٹ کر دیکھیں تو انسانی تاریخ اساتذہ کے احترام و تکریم کی سنہری دا
Read more

Teacher par sher اُستاد پر اشعار

Image
اساتذہ پر مخصوص اشعار ۱) ادب تعلیم کا جوہر ہے زیور ہے جوانی کا      وہی شاگرد ہیں جو خدمت استاد کرتے ہیں  ✍چکبست برج نرائن   ۲) مدرسہ میــــرا میری ذات میں ہے     خود معلم ہوں خود کتاب ہوں میں ✍ساقی امروہی ۳) دیکھا نہ کوہ کن کوئی فرہاد کے بغیر  آتا نہیں ہے فن کوئی استاد کے بغیر  ✍نامعلوم    ۴) جن کے کردار سے آتی ہو صداقت کی مہک  ان کی تدریس سے پتھر بھی پگھل سکتے ہیں  ✍نامعلوم    ۵) ماں باپ اور استاد سب ہیں خدا کی رحمت      ہے روک ٹوک ان کی حق میں تمہارے نعمت  ✍الطاف حسین حالی   ۶) رہبر بھی یہ ہمدم بھی یہ غم خوار ہمارے  استاد یہ قوموں کے ہیں معمار ہمارے  ✍نامعلوم    ۷) شاگرد ہیں ہم میرؔ سے استاد کے راسخؔ       استادوں کا استــــاد ہے استاد ہمارا  ✍راسخ عظیم آبادی   ۸) استاد کے احسان کا کر شکر منیرؔ آج     کی اہل سخن نے تری تعریف بڑی بات  ✍منیرؔ  شکوہ آبادی    ۹) وہی شاگرد پھر ہو جاتے ہیں استاد اے جوہرؔ      جو اپنے جان و دل سے خدمت استاد کرتے ہیں  ✍لالا مادھو رام جوہر ۱۰) کوئی بھی کچھ جانتا ہے تو معلم کے طفیل   کوئی بھی کچھ مانتا ہے تو معلم کے طفیل   گر معلم ہی نہ ہوتا دہر میں تو خاک تھ
Read more

Quotes on teacher اُستاد پر اقوال

Image
  اُستاد پر اقوال (۱) اُستاد بادشاہ تو نہیں ہوتا مگر بادشاہ بناتا ہے۔ (۲) اگر کوئی طالبِ علم یہ سوچ لے علم اُستاد سے نہیں کتاب سے حاصل ہوتا ہے تو سمجھو اس نے نا کامی کی پہلی سیڑھی پر قدم رکھ لیا۔ (۳) مہذب، توانا، پر امن اور با شعور معاشرے کا قیام اُستاد ہی کے مرہونِ منّت ہے۔ (۴) اسلام میں اُستاد کو روحانی والد کا درجہ دیا گیا ہے۔ (۵) مجھے معلّم بنا کر بھیجا گیا ہے۔  (حضرت محمد صلی اللہ علیہ وسلم) (۶) جو اُستاد کی قدر نہیں کرتا وہ کامیاب نہیں ہوتا۔  (امام ابو یوسف) (۷) جس نے مجھے ایک حرف بھی پڑھا دیا میں اس کا غلام ہوں۔ خواہ وہ مجھے آزاد کر دے یا بیچ سے۔  (حضرت علی) (۸) اُستاد ہونا ایک بہت بڑی نعمت اور عظیم سعادت ہے۔ (۹) میرا باپ میرے جسم کی پرورش کرتا ہے اور میرا اُستاد میری روح کی۔  (سکندرِ اعظم) (۱۰) امام اعظم ابو حنیفہ اپنے اُستاد کا اتنا ادب کرتے تھے کہ کبھی اُستاد کے گھر کی طرف پیر کر کے نہیں سوئے۔ (۱۱) میرا باپ مجھے آسمان سے زمین پر لایا جب کہ میرا اُستاد مجھے زمین سے آسمان پر لیے گیا۔  ( سکندرِ اعظم)
Read more